Ливандаги Ҳизбуллоҳ ҳаракати Исроил томонидан босиб олинган Голан тепаликлари томон ўнлаб “Катюша” ракеталари отилганини хабар қилди. Ўз навбатида, Исроил армияси учирилган ракеталарнинг кўп қисмини тутиб олгани ва ҳеч қандай талофат йўқлигини маълум қилган.

Қозоғистонлик ҳарбийлар БМТ тинчликпарвар кучлари таркибида Голан тепаликларида жанговар модулларни ўрнатиш ва топшириқларни бажаришга киришди.

Молия вазири Безалел Смотрич, атроф-муҳит вазири Идит Силман, иқтисодиёт вазири Нир Баркат ва энергетика вазири Эли Коэн дафн маросимига келишганида, қурбонларнинг қариндошлари уларни маросимдан қувиб чиқаришди. Улар фожиани сиёсий воқеага айлантиришни исташмади. “Биз друзларнинг урф-одатлари бўйича тинчгина дафн маросимини ўтказиш имкониятини беришни талаб қиламиз”, — деб ёзади жамоа етакчилари Исроил ҳукуматига мурожаатида.