РФ президенти Владимир Путин Украина F-16 самолётларини учинчи давлатлар аэродромларидан учирса, ушбу аэропортлар Россиянинг қонуний нишонига айланишини маълум қилди. Путин, шунингдек, Россиянинг бошқа давлатларга ҳужум қилиши эҳтимоли ҳақида гапириб, “Россия фақат руслар учун” чақириғига муносабат билдирди.

Бир йилдан кўпроқ вақт кутилган F-16 қирувчи самолётларининг илк партияси Украинага етиб келди. Ушбу самолётлар Голландия томонидан ваъда қилинган 24 та F-16 қирувчининг илк 6 таси ҳисобланади. Яқин орада Даниядан ҳам қирувчилар етиб келиши кутилмоқда. Таҳлилчилар ва расмийларнинг таъкидлашича, биргина F-16 урушда бурилиш нуқтаси бўлмайди.