БМТнинг Қочқинлар бўйича агентлигининг маълум қилишича, Башар Асад режими ағдарилганидан кейин хориждан бир миллион суриялик қочқин ўз ватанига қайтган. Шунга қарамай, қайтиб келаётганлар «катта қийинчиликлар»га дуч келмоқда, дейилади хабарда. Чунки уларнинг бир пайтлари ташлаб кетган уй-жойлари хароб аҳволда, коммунал хизматлар тизими йўқ, иш ўринлари мавжуд эмас, хавфсизлик вазияти эса беқарорлигича қолмоқда.

БМТ маълумотларига кўра, ҳозирда мамлакатда 7,4 миллион киши ички қочқин сифатида ҳаёт кечирмоқда, яна 4,9 миллион суриялик эса қўшни давлатларда бошпана изламоқда. Энг кўп қочқинлар Туркияда (3 миллион) ва Мисрда (1,2 миллион) яшамоқда. Бир йил давомида 270 мингдан ортиқ суриялик қочқин ўз ватанига қайтди.

БМТ халқаро ҳамжамиятдан 7 йил муқаддам Мяньмадан қочиб келган 1 миллионга яқин роҳинжа мусулмонлари ва уларни қабул қилган Бангладеш ҳукуматига ёрдам бериш учун 852,4 млн доллар ажратишни сўради.