Нью-Йорк округ суди полиция бошқармаси ходимлари ҳибсга олинган мусулмон аёлларнинг ҳижобларини мажбуран ечтиргани сабабли 17,5 миллион доллар миқдорида товон пули тўлаш тўғрисида ҳукм чиқарди.

Қозоғистон Олий суди рўмол ўрагани учун дарсга киритилмаган ўқувчи қизни ҳимоя қилиб чиқди. Олий суд мактаб раҳбариятининг хатти-ҳаракатлари ўқувчининг таълим олиш ҳуқуқини бузганини тан олди. Қизнинг адвокати шунга ўхшаш ишлар аллақачон Павлодар, Қарағанда, Олмаота ва Туркистон вилоятларида ҳам кўриб чиқилгани, барча ҳолларда вилоят судлари ўқувчи қизларнинг ҳуқуқлари бузилганлигини тан олганини билдирди.

Жорий йилнинг сентябрь ойида Самарқанд вилоятининг Қўшработ туманида 8-синф ўқувчиси бўлган қиз бир гуруҳ шахслар томонидан зўрланган. Гумондорлар орасида прокуратура ходими ҳам бор. Ҳодисадан қарийб икки ой ўтганига қарамасдан, жиноятчиларни ушлаш ва муносиб жазолаш ишлари хаспўшланмоқда, аксинча, аризани қайтариб олиш бўйича қизнинг оиласига босим ўтказилаётгани айтилмоқда. Ўзбекистон яна бир синов қаршисида - адолат қарор топадими?