Ўзбекистонда олтин экспорти ўсди, энергия импорти эса қисқарди

Миллий статистика қўмитаси Ўзбекистон шу йилнинг биринчи чорагида $3,57 млрд қийматда олтин экспорт қилганини маълум қилди. Газета.uz’нинг ёзишича, Бу ўтган йилнинг шу даврига нисбатан 34% кўп. 

Қимматбаҳо металллар мамлакат умумий экспортининг 44%ини ташкил этди. Январь ойида экспорт бўлмаган бўлса, февралда $1,73 млрд, мартда эса $1,84 млрд қийматда олтин четга чиқарилган. Олтиннинг умумий экспортдаги улуши 40,9%дан 44%гача кўтарилди, дейилади хабар матнида. 

Қўмитага кўра, ташқи савдо айланмаси $17,3 млрдга етган (+8,6%), шундан экспорт $8,1 млрдни ташкил этган (+24,4%), импорт эса $9,2 млрдгача камайган (-2,3%).

Олтинсиз ҳисоблаганда, ташқи савдо айланмасидаги ўсиш атиги 3,5%ни ташкил этади. Бу экспортнинг асосий қисмини олтин таъминлаётганини кўрсатади, дейди Газета.uz.

Энергетика соҳасида эса импорт кескин камайган. Нефть ва нефт маҳсулотлари импорти $443,1 млнни ташкил этиб, 16%га қисқарган. Газ импорти эса 8,5 баробарга қамайиб, $38,5 млнга тушган. Бу рақам 2024 йил ҳисоботи бўйича $329 млн деб кўрсатилган бўлса-да, расмий декларацияларда атиги $298 млн тасдиқланган.

Статистика қўмитасининг қайд этишича, газ экспорти 2,5 бараварга ўсиб, $94,3 млнга етди. Электр энергияси экспорти ҳам 12,6%га ортиб, $49,3 млнни ташкил этди. Бунда кўринадики, мамлакатнинг ташқи энергетик муҳтожлик даражаси қисқариб бормоқда.