"Умра" мавсуми 10 сентябрдан бошланади
2024 йил 10 сентябрь кунидан Ўзбекистон мусулмонлари идораси ва Дин ишлари бўйича қўмита томонидан ташкил этиладиган “Умра – 2024”нинг навбатдаги мавсуми бошланади. Ўзбекистонликлар "Uzbekistan Airways" АЖ авиакомпанияси орқали тўғридан-тўғри рейсларда Саудия Арабистонига олиб борилади. Бу ҳақда Ўзбекистон мусулмонлари идораси «Ҳаж» ва «Умра» тадбирларини ташкил этиш маркази хабар қилди
Зиёратчилар Мадина шаҳрида 3 кун, Макка шаҳрида эса 7
кун бўлади. Мавсум давомида тажрибали ишчи гуруҳи ва имом-хатиблардан иборат
элликбошилар ҳамда малакали шифокорлар ўзбекистонликларга ҳамроҳ бўлади.
Ўзбекистонлик зиёратчилар Мадина шаҳрида “Grand Shahba”, Макка шаҳрида эса “Marmara
Group Hotel” меҳмонхоналарида истиқомат қиладилар. Меҳмонхоналар
3-4 ўринли бўлиб, 3 маҳал таомлар, ширинлик ва сархил мевалар тортиқ қилинади.
Мазкур шаҳарларда муборак қадамжоларга зиёрат ташкил этилиши маълум қилинди. Меҳмонхоналарда тиббиёт
пунктлари, транспорт хизмати ва ишчи гуруҳлари штаблари 24 соат давомида фаолият
юритади.
Эслатиб
ўтамиз, “Умра” сафарига фуқаролар хусусий сайёҳлик агентликлари орқали ёки
мустақил равишда боришлари ҳам мумкин.
Мавзуга алоқадор
-
Давлат раҳбари Ҳажга, Умрага бориб келганлар маънавият тарғиботчиси бўлиши кераклигини таъкидлади.
-
Президент имзолаган янги қонунга кўра, эндиликда Ўзбекистонда Умра тадбирларини ташкил этиш ва ўтказиш лицензияланадиган фаолиятнинг алоҳида тури сифатида белгиланди. Мазкур қонун талабларини бажармаган тадбиркорлар БҲМнинг 200 баравари (ҳозирда - 68 млн сўм) миқдорида жаримага тортилади. Шунингдек, лицензия олиш учун БҲМнинг 10 баравари (3,4 млн сўм) миқдоридаги давлат божи ушбу соҳадаги ваколатли орган сифатида белгиланган Дин ишлари бўйича қўмитага тўланади.
