19.03.2025 15:09
149

Туркия президенти 43 йил қамоқда сақланган суриялик учувчини мукофотлади

Туркия Президенти Ражаб Тоййиб Эрдўған 43 йил давомида қамоқда сақланган суриялик учувчи Рағид Аҳмад ат-Татарига Туркия Диний ишлари бошқармасининг Халқаро хайрия мукофотини топширди. 

Рағид ат-Татари 1980 йилларда Сурия ҳукумати томонидан Ҳама шаҳрини бомбардимон қилишга буйруқ олган, бироқ у тинч аҳолига қарши ҳужум уюштиришдан бош тортган. Шу сабабли у қамоққа ташланган ва Асад режими даврида 43 йил давомида оғир шароитларда ушлаб турилган.

У Дамашқ яқинидаги Сайдная қамоқхонасида қийноқларга солинган, изоляция қилинган ва доимий босим остида сақланган. Сурияда Башар Асад режими қулагач, сиёсий маҳбуслар қаторида у ҳам озодликка чиқарилди.

Эрдўған учувчининг жасоратини эътироф этиб, унинг инсоний қадриятларга садоқатини таъкидлаб ўтди. Бу воқеа инсон ҳуқуқлари ва адолатни ҳимоя қилиш йўлидаги глобал эътирофнинг муҳим намунаси сифатида эътироф этилмоқда.

Мавзуга алоқадор

© 2024 Azon Global. Барча ҳуқуқлар ҳимояланган.