Россия Қрим масжидларини пропаганда марказларига айлантирмоқчи
QIRIM.News хабарига кўра, 2024 йил 4 январь куни Россия томонидан босиб олинган Қрим парламенти спикери Владимир Константинов ва Қримнинг Кремль назорати остидаги муфтийси Эмирали Аблаев ўртасида учрашув бўлиб ўтган.
Олинган маълумотларга кўра, томонлар қрим-татарларни Россия армияси
сафларига жалб қилиш чораларини кўришни муҳокама қилган.
Учрашув якунлари бўйича томонлар қуйидаги масалалар бўйича
келишиб олдилар:
▪ Қримдаги масжидларда ҳар жума куни Қрим татарларини Россия
армиясида шартнома асосида хизмат қилишга ундаш учун тарғибот кампанияларини
ўтказиш;
▪ Россия ташвиқоти оммавий ахборот воситалари ва Телеграм
каналларида қрим татарларининг катта қисми Россия томонида жанговар
ҳаракатларда қатнашишга тайёр деган фикрни тарқатиш учун контент яратиш;
▪ Қримдаги масжидларда Россия армиясида шартнома бўйича ҳарбий хизматни тарғиб
қилувчи Қрим-татар тилида махсус тайёрланган рисолаларни тарқатиш бўйича
мунтазам чора-тадбирларни жорий этиш (рисолаларда Россия армиясидаги шартнома
бўйича ҳарбий хизматчилар 250 минг рубль миқдорида маош олишлари қайд этилган).
Мавзуга алоқадор
-
Қозоғистон россиялик телебошловчи, рус пропагандачиси Тина Канделакининг мамлакатга киришини тақиқлади. Канделаки аввалроқ Қозоғистон давлат даражаси рус тилини аста-секин, лекин ишонч билан сиқиб чиқараётганини ёзган эди.
-
Қримда бир қатор соҳаларда чет эл фуқароларини ишга олишни тақиқлашга қарор қилди. Улар орасида транспорт, ишлаб чиқариш, IT, спорт ва дам олиш соҳалари мавжуд. Аввалроқ Новосибирск, Самара ва Ёқутистонда ҳам бир қатор соҳалар меҳнат муҳожирлари учун “ёпилган” эди.
