Reuters: Уриб туширилган Ил-76 самолёти Судан армиясини қурол-яроғ билан таъминлаган
Суданнинг Шимолий Дарфур штатида уриб туширилган, экипажи россияликлар бўлган юк самолёти қамалдаги Эл-Фашер шаҳрида мамлакат армиясини қурол-яроғ билан таъминлаш учун фойдаланилган. Бу ҳақда Reuters агентлиги Судан Тезкор ҳаракат кучлари (RSF)даги манбалар ва фалокат жойидан топилган ҳужжатларга таяниб хабар берди.
Reuters агентлигига кўра, воқеа Судан армияси ва RSF ўртасидаги
18 ойдан ортиқ давом этган
ҳамда 10 мингдан зиёд тинч аҳоли вакилларининг ўлими, 11 миллиондан зиёд
кишининг қочқинга айланишига сабаб бўлган уруш ортидаги яширин таъминот
тармоқлари ҳақида маълумот
беради.
Парвозларни кузатиш маълумотлари ва ижтимоий тармоқ саҳифаларидаги
илгари хабар қилинган маълумотлар самолёт бир неча ой олдин RSF’га қурол-яроғ етказишни тўхтатиб, Судан
армиясини таъминлашга ўтганини
кўрсатади.
Reuters агентлигининг ўрганишлари экипаж аъзоларидан камида бир россиялик қурол
савдоси билан шуғулланган.
Агентликка аноним манбанинг айтишича, уриб туширилган Ил-76
юк самолёти Эл Фашерга қурол-яроғ, ўқ-дорилар ва озиқ-овқат ташиган. Ушбу шаҳарда Судан армияси
ва иттифоқчи собиқ исёнчи гуруҳлар бир неча ойдан бери RSF ҳужумларини
қайтаришга уриниб келмоқда. Манбанинг
сўзларига кўра, самолёт навбатдаги ёрдам партиясини ташлаганидан кўп ўтмай уриб
туширилган.
Агентлик ҳалокат жойидан олинган фотосуратлар ва видеоларга
асосланиб, экипажнинг уч эҳтимолий аъзосини аниқлади.
Улар –
67 ёшли Виктор Гранов (2005 йилда Amnesty International ташкилоти Жанубий
Африкада яшовчи бу россиялик тадбиркор россиялик қурол сотувчиси Виктор Бут
билан алоқадорлигини айтган). Шунингдек,
33 ёшли Антон Селиванец
ва 61 ёшли Александр Кабанов (собиқ ҳарбий хизматчи).
Аввалроқ Судан
армияси ва ҳарбийлашган RSF (Тезкор ҳаракат кучлари) ўртасида жанглар давом
этаётган Шимолий Дарфур провинциясида аввалроқ БААга тегишли бўлган ва Қирғизистонга алоқадор
Ил-76 юк самолёти уриб туширилгани ҳақида хабар
берган эдик.
Ил-76 ҳалокатидан кейин самолёт Бишкекдаги “Манас” аэропортига боғлиқ бўлгани ва Қирғизистонда
рўйхатдан ўтгани маълум қилинган эди. У Қирғизистоннинг New Way Cargo Airlines авиакомпаниясига тегишли бўлгани хабар қилинди. “Настоящего Времени”
журналистларининг маълум қилишича, уриб туширилган самолёт йил бошида компания
реестридан олиб чиқарилган. New Way Cargo
Airlines авиакомпанияси ҳозирда ўзининг самолётга
алоқаси йўқлигини билдирди.