Озарбайжонда арман миналари портлашидан жабрланганлар 381 нафарга етди
Озарбайжон Ички ишлар вазирлиги ва Минасизлантириш агентлиги (ANAMA) қўшма баёнотида айтилишича, Арманистон чегарасидаги Газах туманида яна бир маҳаллий фуқаро мина портлаши натижасида тан жароҳати олган.
Ташқи
ишлар вазирлиги Иккинчи Қорабоғ уруши тугаганидан бери 381 Озарбайжон фуқароси
миналардан жабр кўрганини маълум қилди.
“Халқаро
ҳамжамият Арманистоннинг Озарбайжонга қарши давом этаётган мина террорига кўз
юммаслиги керак”, — дейилади ТИВ баёнотида.
Арман
истилосидан озод қилинган Қорабоғ минтақаси ва унинг атрофидаги ҳудудларга
арман армияси томонидан юз минглаб миналар кўмилгани тахмин қилинмоқда. Бироқ
Арманистон томони миналаштирилган ҳудудларнинг тўлиқ харитасини топширишдан бош
тортиб келмоқда.
Ўтган
ҳафта давомида (07.10.2024 - 13.10.2024) арман истилосидан озод қилинган ҳудудларда
141 та пиёдаларга ва 64 та танкга қарши мина, 625 та портламай қолган
ўқ-дорилар топилди. 1198,7 гектар ҳудуд мина ва портламай қолган ўқ-дорилардан
тозаланди.
Шу билан
бирга, 2020 йил 10 ноябрда Иккинчи Қорабоғ уруши тугаганидан бери 70 нафар
Озарбайжон фуқароси мина портлаши қурбони бўлди, 311 киши жароҳат олди.
Мавзуга алоқадор
-
Арманистон ишғолидан озод қилинган Хожаванддаги мактабда мина қопқони қўйиб кетилгани аниқланди.
-
Озарбайжон ўз ҳудудларида арманлар томонидан жойлаштирилган миналар сони 1 миллиондан ошиб кетганини маълум қилди. 2020 йилда Қорабоғдаги уруш тугаганидан буён 342 нафар Озарбайжон фуқароси мина портлашларидан жабр кўрган, улардан 65 нафари, жумладан, 3 нафар журналист ҳалок бўлган.
