Москва Татаристоннинг барча ресурсларини сўриб олмоқда

Татаристонда ишчи кучига эҳтиёж сезаётган корхоналар сони 71 тага етди, бу 2023 йилга нисбатан 36 тага кўп дегани.

Улар орасида КАМАЗ, ТАИФ-НК, ТАНЕКО, Қозон вертолёт заводи, порох заводи ва бошқа корхоналар бор – буларнинг барчаси Россия ҳарбий саноати эҳтиёжларини қондириш учун хизмат қилмоқда.

Набережние Челни шаҳридаги олтита завод қарздорлик ва маҳсулотларини сотолмаслик муаммолари сабабли қисқартирилган иш кунига ўтган. Республика раҳбари Рустам Миннихановнинг таъкидлашича, ҳудудда иш ўринлари камаймоқда ва баъзи корхоналар банкрот бўлиши мумкин.

Кремль республикадан ресурслар ва одамларни тортиб олаётган бир пайтда, Татаристон ижтимоий таназзулга юз тутяпти.