Ироқ шимолида 6 нафар турк ҳарбийси ҳалок бўлди
Туркия Миллий мудофаа вазирлиги Ироқ шимолидаги “Чангал-қулф” операцияси ҳудудида Курдистон ишчи партияси (PKK) жангарилари ҳужуми натижасида 6 нафар турк ҳарбийси ҳалок бўлгани, 1 нафарининг яраланганини маълум қилди.
"2023 йилнинг 23 декабрь куни “Чангал-қулф” операцияси ҳудудидаги базага киришга
уринган террористлар билан бошланган тўқнашувда 6 нафар қаҳрамон сафдошимиз
шаҳид бўлди, бир қаҳрамон қуролдошимиз
яраланди. Тўқнашувда,
дастлабки ҳисоб-китобларга кўра, 13 террорист зарарсиз ҳолга келтирилди. Минтақада ҳаракатлар давом этмоқда.
Белгиланган нишонларга тўсатдан
ҳаво зарбалари ҳам берилмоқда”, - дейилади баёнотда.
Маълумот
учун, Турк Қуролли Кучлари 2019 йил май ойида Шимолий Ироқдаги Хакурк минтақасида Туркия чегарасига яқин ҳудудларга жойлашиб олган PKKга қарши “Чангал”
операцияларини
бошлаган.
Мавзуга алоқадор
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
-
Аташеҳир тумани Миллий таълим мудирлиги мактабларга дарс соатларини жума намозига кўра ташкил этиш бўйича кўрсатма юборди.
