10.05.2025 13:03
204
Ҳинд генерали: "Керак бўлса, Туркияни дўзахга айлантирамиз"
Ҳиндистон–Покистон можароси давом этаркан, мамлакат бош вазири Модига яқин бўлган нафақадаги генерал Гагандеп Бакши Туркияга қаратилган баёнотлар билан чиқди.
YouTube’даги New India Junction канали орқали Туркияга очиқ таҳдид қилган Бакши Ҳиндистон ўзининг ядровий қудрати билан зарурат туғилса Туркияни парчалаб юбориши мумкинлигини таъкидлаган.
Унинг иддао қилишича, Туркия анчадан бери ўзини ёмон тутяпти ва дунёда халифаликни тиклашга уринмоқда.
Бакши расмий Анқара Ҳиндистон ва Покистон ўртасидаги урушга аралашиб хато қилганини айтаркан: "Туркия Жамму ва Кашмирга 3 мингга яқин жиҳодчиларни юборишни режалаштираётганини, керак бўлса ҳиндлар ушбу мамлакатни дўзахга айлантиришини" қўшимча қилган.
