"Арқадағ" Озарбайжонда масжид қурдиради

Туркманистон Халқ Маслаҳати раиси, собиқ президент Гурбангули Бердимуҳамедов Фузулий шаҳрида масжид қуриб беришга ваъда берди, дея маълум қилди Озарбайжон президенти Илҳом Алиев. Бу ҳақда Orient нашри хабар берди.

Алиевнинг сўзларига кўра, Бердимуҳамедов Фузулийга ташрифи давомида Туркманистон ушбу шаҳарда масжид қуришга тайёрлигини билдирган.

Алиев бу таклифни "миннатдорлик билан қабул қилган". Шунингдек, Озарбайжон раҳбари масжид лойиҳаси тайёр эканини ва қурилиш яқин вақтларда бошланишини қўшимча қилган.

Эслатиб ўтамиз, ўтган ҳафта Туркманистоннинг “Аваза” сайёҳлик зонасида Ўзбекистон, Туркманистон ва Озарбайжон етакчиларининг уч томонлама учрашуви бўлиб ўтганди.