21.05.2025 15:38
222
Жазоирда ўқитувчи “исроил давлати” ҳақидаги сўзлари учун жазоланди
Жазоирнинг жануби-ғарбидаги Оран шаҳрида мактаб битирувчилари учун тарих ва география фанларидан синов имтиҳонининг матни билан боғлиқ жанжал келиб чиқди.
Маҳаллий “Ал-Хабар” газетасининг ёзишича, имтиҳон жараёнида “исроил давлатини яратиш” атамаси қўлланилган, бу эса жамоатчилик ва расмийлар томонидан кескин танқидга сабаб бўлган.
Маҳаллий таълим бошқармасига кўра, бундай атама Фаластин халқини қўллаб-қувватловчи ва сионистларни босқинчи деб билувчи Жазоирнинг расмий позициясига тўғри келмайди .
Шу муносабат билан тест синовини тайёрлаган ўқитувчига нисбатан тергов ҳаракатлари бошланган. Таълим департаменти матбуот котиби Абдул Қодир Ублайд воқеани “жиддий хато” деб атаган ва ўқитувчига нисбатан “қаттиқ чора кўриш”га ваъда берган.
