07.04.2025 15:06
117
Хитой Ўзбекистонга авиарейслар сонини оширади
Ўзбекистон ва Хитой ўртасида авиарейслар сони оширилади, деб хабар бермоқда Uzbekistan Airports матбуот хизмати.
Қайд этилишича, Ўзбекистон авиакомпанияси Хитойнинг China Southern Airlines компанияси билан музокаралар ўтказган. Унда мавжуд йўналишлар бўйича парвозлар сонини ҳафтасига етти мартагача ошириш бўйича ўзаро келишув имзоланган.
Ҳозирда China Southern Airlines Тошкентдан Пекинга ҳафтасига тўрт марта, Тошкентдан Урумчига эса ҳафтасига беш марта рейслар амалга оширмоқда.
Шунингдек, Uzbekistan Airports томонидан Фарғона водийсидаги Андижон, Наманган ва Фарғона аэропортларидан Хитойнинг бошқа шаҳарларига парвозларни йўлга қўйиш таклиф қилинган.
