Саудия доллар ҳукмронлигига қарши қадам ташлади
Саудия Арабистони Хитой бошчилигида банклар томонидан трансчегаравий тўловлар ва валюта операцияларини қўллаб-қувватлаш учун ишлаб чиқилган mBridge халқаро рақамли платформасига қўшилди. Бу ҳақда қироллик Марказий банки маълумотларига таяниб, Investing.com нашри хабар берди.
Қайд
этилишича, 1974 йил 8 июнда Саудия ва АҚШ ўртасида тузилган 50 йиллик келишув
муддати ниҳоясига етган. Худди шу йили саудлар Америка раҳбарларига
нефть ва бошқа товарларни исталган мижозга фақат АҚШ долларига сотишга ваъда
берган эди.
Bizcommunity нашрининг ёзишича, Саудиянинг нефть-доллар
шартномасини узайтирмаслик ҳақидаги қарори дунёнинг молиявий ҳолатини
ўзгартириши мумкин.
"Энди мамлакат ўзининг углеводородлари ва бошқа
маҳсулотларини нафақат АҚШ долларида, балки бошқа валюталарда ҳам сота
олади", – деб ёзади нашр.
Маълумот учун, Саудия Арабистони ва АҚШ ўртасида тузилган
нефть-доллар шартномаси АҚШ сиёсатининг Бреттон-Вудс келишувидан кейинги
иккинчи ютуғи бўлиб тарихда қолган. Шундан сўнг, доллар олтин билан боғланган
глобал захира валютаси сифатида тан олинган.
Ўшанда саудияликлар нефтни фақат долларга сотиш эвазига
АҚШнинг ҳарбий ҳимоясини олган.
Эслатиб ўтамиз, февраль ойида БАА ва Хитой ушбу платформа
орқали рақамли дирҳам ва юандан фойдаланган ҳолда биринчи 14 миллион долларлик
трансчегаравий операцияни амалга оширган эди.
.png)
Мавзуга алоқадор
-
Россия ва Хитой жорий йилдаги 200 млрд долларлик тижоратининг 95 фоизини долларсиз амалга оширди.
-
Зимбабве олтини (ZiG) миллий валюта сифатида эълон қилди. Унинг қиймати мамлакатда қазиб олинаётган олтин ва хорижий валюталар захираларига таянади. Ҳозирда 1 АҚШ долларини 36 минг Зимбабве долларига сотиб олиш мумкин.
