Россия Толибонни тақиқланган ташкилотлар рўйхатидан чиқаришга қарор қилди
Россия ҳукумати Толибон ҳаракатини террорчилик ташкилотлари рўйхатидан чиқаришга қарор қилди. Бу ҳақда РБК хабар қилди.
РФ Ташқи ишлар вазирлиги ва Федерал хавфсизлик хизмати ушбу масала бўйича ҳуқуқий ишларни якунламоқда, деди ташқи ишлар вазири маслаҳатчиси ва президентнинг Афғонистон бўйича махсус вакили Замир Кабулов.
“ТИВ ФСБ ва Россиянинг бошқа идоралари билан биргаликда Толибонни Россия Федерациясининг террористик ташкилотлари рўйхатидан чиқариш бўйича ҳуқуқий ишларни якунламоқда”, деди Кабулов Афғонистон бўйича Москва форматидаги маслаҳатлашувлар йиғилишида.
Мавзуга алоқадор
-
Қозоғистон “Толибон”ни мамлакатда тақиқланган ташкилотлар рўйхатидан чиқаришини маълум қилди.
-
Қирғизистон Қозоғистон ортидан Толибонни террорчи ташкилотлар рўйхатидан чиқарди. Минтақадаги кўплаб давлатлар Кобул билан кенг кўламли ҳамкорлик алоқаларини йўлга қўйди, қўшма лойиҳаларни амалга оширишга киришди. Бу давлатларнинг Толибон билан муносабатларни яхшилашга интилишининг сабаби нимада?
