Нигерияда ҳарбий хато туфайли ўнлаб аёллар ва болалар оламдан ўтди
Нигерия шимоли-ғарбидаги Кадуна штатида мамлакат қуролли кучларига тегишли учувчисиз учиш аппарати (дрон) зарбаси натижасида камида 30 фуқаро ҳалок бўлди, дея хабар бермоқда AFP агентлиги.
Хабарларга кўра, жанговар дрон Мавлид - Муҳаммад пайғамбар саллоллоҳу алайҳи ва саллам таваллуд кунини нишонлаётган бир гуруҳ қишлоқ аҳолисига ҳужум қилган.
Кадуна штати губернатори Уба Санининг агентликка маълум қилишича, ҳарбийларнинг "қасддан қилинмаган зарбаси" туфайли ўнлаб одамлар ҳалок бўлган ёки яраланган.
Қурбонларнинг аксарияти аёллар ва болалардир. Нашрнинг қайд этишича, ҳужум ноқонуний қуролли гуруҳларга қарши оддий рейд доирасида амалга оширилган.
Лагосда жойлашган SBM Intelligence компанияси маълумотларига кўра, 2017 йилдан бери мамлакат шимолида қуролланган гуруҳларга қарши олиб борилаётган курашда хатоликлар туфайли 400 га яқин тинч аҳоли ҳаво ҳужумларидан ҳалок бўлди.
.png)
Мавзуга алоқадор
-
Исроилнинг Ғазога ҳужумлари Испанияда исломга бўлган қизиқишни оширди ҳамда исломни қабул қилганлар сони ортиб бормоқда.
-
Исроил ҳарбийлари Ғазода бир зобит ва икки аскар ҳалок бўлганини маълум қилди
