Лондонда Фаластин тарафдорлари юришида икки нафар ортодоксал раввин қўлга олинди
Лондонда 15 мингга яқин иштирокчиларни жалб қилган Фаластин тарафдорлари юриши ташкилотчилари полициянинг хатти-ҳаракатларини танқид қилди, деб ёзмоқда TRT.
Қайд
этилишича, юриш охирида икки нафар ортодоксал яҳудий раввини “антисемитизмни
қўзғатгани учун” ҳибсга олинган. Полиция раввинлар ўз халқига нисбатан
нафрат уйғотмоқчи бўлган деб ҳисоблаган.
Полиция уларни кечаси Исроил байроғини ёқиб, ирқий нафратни
қўзғатишда айблаган ва тадбир
якунида уйига қайтаётганларида
ҳибсга олган.
"Полиция ҳақиқатан ҳам раввинларни антисемитизмни
қўзғатганликлари учун ҳибсга олиш орқали бемаъниликнинг янги чуқурликларини
очди. Улар ҳеч қачон судда кўриб чиқилмаслигини билишса-да, буни ўзлари дуч келадиган сиёсий босим,
Фаластин тарафдори намойишчиларини қўрқитиш, таъқиб қилиш ва руҳлантирмаслик учун шундай қилишади. Ўтган йилларга нисбатан
бу йилги полиция фаолиятидан жуда ҳайратдамиз. Полиция
жуда сиёсийлашган ва бу
асоссиз ҳибсга олишларга олиб келди”, - дейди Лондонда жойлашган Исломий
Инсон ҳуқуқлари комиссияси раиси Масуд Шажаре.
Аввалроқ Британия ҳукуматининг экстремизмга қарши кураш
бўйича комиссари Робин Симкокс Ғазода ўт очишни тўхтатишга чақирувчи намойишлар натижасида Лондон маркази
яҳудийлар учун хавфли жойга айланганини
айтган эди. Кўплаб
урушга қарши яҳудий ҳаракатлари, шу жумладан, Колумбия университети академиги
Барнаби Рейн Симкокснинг сўзларини танқид қилиб, АҚШ ва Британиядаги минглаб
яҳудийлар Фаластин тарафдори намойишларида иштирок этаётганини таъкидлашди.
Мавзуга алоқадор
-
Исроил ҳужумларини ҳеч қандай гуманитар ё ахлоқий нуқтаи назардан тушунтириш ёки оқлаш мумкин эмас, дейди ливанлик фаол.
-
Ғазодаги уруш фонида Лондонда исломофобия ҳолатлари кучаймоқда. Февраль ўрталаридан буён шаҳардаги учта масжидга ҳужум уюштирилди, мусулмонлар Рамазон ойини қўрқув ва хавотир билан қарши олди.
