Ливанда қирғинбарот: 500 қурбон, 1700 га яқин ярадор
Сўнгги 24 соат ичида Исроилнинг Ливан бўйлаб берган зарбалари натижасида 492 киши, жумладан, 35 бола ҳалок бўлди, жароҳатланганлар сони 1645 нафарга етди, дея хабар қилди мамлакат Соғлиқни сақлаш вазирлиги.
Исроил
армияси асосан мамлакатнинг жанубий шаҳарлари, шунингдек, Бекаа ва Баалбек
ҳудудларига юзлаб ҳаво ҳужумларини амалга оширди.
Ҳужумлар
фонида аҳолининг жанубий вилоятлардан пойтахт Байрут ва шимолий ҳудудларга
кўчиш тўлқини давом этмоқда.
Ливан
Таълим вазирлиги бутун мамлакат бўйлаб мактаблар фаолияти тўхтатилишини эълон
қилган бўлса, Ички ишлар вазирлиги жанубдаги мактаблар Исроил ҳужумлари
натижасида кўчирилганларни жойлаштириш учун очиқлигини билдирди.
Исроил
армияси бош штаби сўнгги 24 соат ичида Ливанда 1,4 мингдан ортиқ ўқ-дорилар
ёрдамида 1,1 мингдан ортиқ нишонга ҳужум қилингани, 650 га яқин жанговар
парвозлар амалга оширилганини маълум қилди.
Исроил
армияси берилган зарбаларда Ҳизбуллоҳнинг узоқ ва ўрта масофага мўлжалланган
ракеталарининг ярми йўқ қилинганини иддао қилди.
Мавзуга алоқадор
-
АҚШлик геосиёсат бўйича эксперт, истеъфодаги подполковник Рич Оутзен Ливандаги пейжер ва рацияларнинг портлаши ХХI асрда кўлами бўйича барча эътиборга олиши керак бўлган янги турдаги таҳдид эканини таъкидлади. Оутзен Исроил разведкаси Ҳизбуллоҳ берган буюртмаларни аниқлаб, ишлаб чиқариш маркази ёки буюртма йўлда вақтида ускуналарга портловчи моддалар жойлаштирганини тахмин қилди.
-
Бугун Исроилнинг Ливан жанубига берган зарбалари оқибатида 150 дан ортиқ киши ҳалок бўлди, юзлаб инсонлар жароҳатланди ва бедарак йўқолди. "Ливанда биз зарба берган ҳар бир уйда исроилликларни ўлдиришга тайёрлаб қўйилган қуроллар, ракета ва снарядлар бор эди", дея иддао қилди исроил армияси матбуот котиби.
