Ливан ССВ: Исроилнинг бугунги ҳужумлари қурбонлари сони 150 кишига етди
Бугун Исроилнинг Ливанга қилган ҳужумлари оқибатида ҳалок бўлганлар сони 150 нафарга етди, деб хабар берди мамлакат Соғлиқни сақлаш вазирлиги.
NNA Ливан давлат ахборот агентлиги томонидан эълон қилинган маълумотларга кўра, Исроилнинг эрталаб бошланган зарбалари сезиларли талофатларга сабаб бўлган.
Мамлакат жанубидаги шаҳар ва қишлоқларга уюштирилган ҳужумлар ҳам 400 дан ортиқ қурбонларга олиб келди.
Аввалроқ Исроилнинг Ливанга ҳужуми оқибатида 50 киши ҳалок бўлгани, 300 дан ортиқ киши жароҳатлангани хабар қилинганди.
"Ливанда биз зарба берган ҳар бир уйда исроилликларни ўлдиришга тайёрлаб қўйилган қуроллар, ракета ва снарядлар бор эди. Ливан қишлоқларидаги тинч аҳолига Ҳизбуллоҳ томонидан қурол сақлаш каби ҳарбий мақсадларда фойдаланиладиган биноларга яқин жойлардан ўз хавфсизлиги учун дарҳол чиқиб кетишларини маслаҳат берамиз”, деди Исроил армияси матбуот котиби адмирал Даниел Ҳагарий. Унинг сўзларига кўра, Исроил "Ливанда чуқур илдиз отган террористик нишонларга янада кучли зарбалар беради".
Мавзуга алоқадор
-
Саудия Арабистони зиёратчиларни бу йилги ҳаж мавсумида Маккада ўртача энг юқори ҳарорат меъёрдагидан 1-2 даража юқори бўлиб, 44 даражага етиши мумкинлигидан огоҳлантирди. Ўтган йилги ҳаж мавсумида 2 минг нафардан ортиқ зиёратчи иссиқ уришидан азият чеккан.
-
Афғонистон ҳудудида Гая (Ҳиндистон) – Тошкент (Ўзбекистон) – Жуковский (Россия) йўналиши бўйича учган чартер тез ёрдам рейси ҳалокатга учради. Бортидаги 6 кишининг ҳалок бўлгани айтилмоқда.
