08.08.2025 11:05
126
исроил хавфсизлик кабинети "Ғазони тўлиқ босиб олиш" режасини маъқуллади
исроил ҳарбий-сиёсий кабинети бош вазир Биньямин Нетаньяхунинг Ғазо шаҳрини эгаллаш режасини маъқуллади, деб хабар бермоқда The Times of Israel нашри.
Таъкидланишича, йиғилишдан олдин Нетаньяху исроил ҲАМАСни мағлуб этиш учун бутун Ғазо секторини назорат остига олмоқчи эканини билдирган. Унга кўра, исроил ҳудудни "ҲАМАС бўлмаган, исроилни йўқ қилишни мақсад қилмаган фуқаролик бошқаруви"га топширишдан олдин Ғазодан "ҲАМАСни йўқотишни" мақсад қилган.
Хавфсизлик кабинети қарори "урушни тугатишнинг беш тамойилини" ўз ичига олади, деб ёзади BBC. Булар:
1. ҲАМАСни қуролсизлантириш;
2. Барча гаровдагиларни озод қилиш;
3. Ғазони тўлиқ қуролсизлантириш;
4. Босқинчи исроилнинг Ғазо устидан тўлиқ назоратини ўрнатиш;
5. Ғазода ҲАМАС ёки Маҳмуд Аббос бошқаруви билан боғлиқ бўлмаган альтернатив фуқаролик маъмуриятини ташкил этиш.
