исроил томонидан ўлдирилган қизалоқ ҳақидаги фильмнинг премьераси бўлади
Бу ҳафта ўз ишини бошлаган 82-Венеция кинофестивалида ҳам Ғазо мавзуси асосий ўринни эгаллади. Энг кутилган фильмлардан бири – “Оскар” мукофотига икки карра номзод Кавсар бинт Ҳания томонидан суратга олинган “Ҳинд Раджаб овози” фильми. Премьера 3 сентябрга мўлжалланган.
Эътиборлиси, Брэд Питт, Хоакин Феникс, Руни Мара, Жонатан Глейзер ва Альфонсо Куарон сингари Голливуднинг машҳур актёр ва актрисалари сионистлар томонидан ваҳшийларча ўлдирилган 6 ёшли Ҳинд Ражабга бағишланган фильмнинг ижрочи продюсери сифатида иштирок этишди.
Маълумот учун, 2024 йил 29 январь куни босқинчи исроил ҳарбийлари Ғазо секторида 6 ёшли қизча ва унга ёрдамга шошилаётган тиббиёт ходимларини ваҳшийларча ўлдиради. Унгача эса босқинчилар қизчанинг опаси ва қариндошларини унинг кўз ўнгида ўлдиришганди.
Ҳинднинг умидсиз чақириқлари акс этган аудиоёзувларга асосланган фильм сионистларнинг Ғазодаги жиноятларига қарши норозилик сифатида пайдо бўлди. Афсуски, АҚШ бошчилигидаги Ғарб давлатлари ҳукуматлари сионистларнинг Ғазодаги жиноятларини билган ҳолда исроилни қўллаб-қувватлашдан тўхтамаяпти.
