03.10.2025 11:03
2260
исроил геноцидига қарши ХЖСга даъво киритган ЖАР элчиси ўлдирилдими?
Жанубий Африка Республикасининг Франциядаги элчиси Нкосинати Эммануэл Мтҳетҳва босқинчи исроилга қарши Халқаро жиноий судга даъво аризаси киритгани учун Тел-Авив буюртмаси билан ўлдирилгани айтилмоқда.
Қайд этилишича, элчи Париждаги меҳмонхонанинг 22-қаватидан йиқилиб ҳалок бўлди. Унинг жасади меҳмонхона олдидан топилган. Ажабланарлиси элчи вафотидан икки кун тўсатдан ғойиб бўлган. Мтҳетҳванинг рафиқаси аввалига эридан хавотирли хабар олганини, шундан сўнг у йўқолиб қолганини маълум қилган.
Полиция элчининг ўз жонига қасд қилиш эҳтимолини ўрганиш учун Буа-де-Булон ҳудудида тинтув ўтказган. Париж прокуратураси элчининг меҳмонхона хонасидаги ҳимояланган ойна бузиб кирилганини айтмоқда. Мҳетҳванинг яқинлари ҳам унинг ўз жонига қасд қилиш эҳтимолини рад этиб, буни элчининг жасадида қийноқ излари борлиги билан изоҳлаган.
Жанубий Африка ҳукумати элчи Мтҳетҳванинг вафоти муносабати билан унинг оиласи ва яқинларига чуқур қайғу ва таъзия изҳор қилган.
