Исломни қабул қилган K-pop хонандаси ватанида исломофобияга дуч келди

YouTube платформасида 5,5 миллиондан ортиқ обуначиси бўлган 30 ёшли қўшиқчи масжид қуриш учун ер сотиб олди, бироқ у ўз режаларини омма олдида эълон қилиши биланоқ маҳаллий аҳолининг шикоятлари, танқидлари ва қаршиликларига дуч келди, деб ёзмоқда IslamNews нашри Korea Herald нашрига таянган ҳолда.

Кимга ер олди-сотди шартномасини бекор қилиш талаби келиб тушган, шунингдек, гўёки йўл ҳолати туфайли қурилишга рухсат олиш билан боғлиқ қийинчиликлар пайдо бўлган, Инчеон аҳолиси ҳам маҳаллий маъмуриятга масжид қурилишига қарши шикоятлар ёғдиришни бошлаган.

Ер майдонининг аввалги эгаси ерни сотиш шартномасини бекор қилиш ниятида эканлигини тасдиқлади, бироқ ўз ҳаракатларининг сабабларини тушунтиришдан бош тортди. Афтидан, қўшнилари унга босим ўтказишган.

Худди шундай ҳолат Кореянинг Тегу шаҳрида ҳам кузатилган - масжид қурилиши 2020 йил сентябрь ойида бошланганидан бери доимий муаммоларга дуч келди. Қўшнилар масжид қурилишига қарши чексиз шикоятлар билан мурожаат қилишди, натижада лойиҳа 2021 йилда тўхтатилиб, мусулмонлар туман маъмурияти устидан судга шикоят қилишга мажбур бўлишди.