Ғазо аҳолиси сув, озиқ-овқат ва тиббий ёрдамдан маҳрум қолмоқда

Рафаҳ шаҳри маъмурияти исроилнинг Тал ал-Султон ҳудудига қарши давом этаётган қамал ва бомбардимонлар туфайли жиддий инсонпарварлик инқирози юзага келганини эълон қилди. Маълумотларга кўра, ҳудуд билан алоқа бутунлай узилган, натижада юзлаб оилалар ичимлик суви, озиқ-овқат ва тиббий ёрдамдан маҳрум ҳолда қамалда қолмоқда.  

Маҳаллий манбаларга таяниб берилаётган маълумотларга кўра, ярадорлар қонни йўқотиш оқибатида вафот этмоқда, болалар эса очлик ва чанқоқликдан ҳалок бўлиш хавфи остида қолган. Тинимсиз бомбардимон туфайли ҳудудга на қутқарувчилар, на тиббий хизмат ходимлари кира олмоқда.  

Шаҳар расмийлари сўнгги 36 соат ичида тиббиёт ходимлари ва қутқарувчилар билан алоқа йўқлигини билдирган. Уларнинг Тал ал-Султон ҳудудидаги ярадорларни эвакуация қилишга урингани, бироқ ўшандан бери бедарак йўқолгани таъкидланмоқда.  

Рафаҳ шаҳри маъмурияти баёнотида Талл ал-Султондаги вазият инсониятга қарши жиноят сифатида баҳоланиб, халқаро ҳамжамиятнинг сукут сақлаши қаттиқ танқид қилинмоқда. Расмийлар халқаро ташкилотларни фавқулодда чоралар кўришга чақирмоқда.