Эрондаги кўмир конида портлаш содир бўлди: қурбонлар сони 52 кишига етди
Эрон
шарқидаги Жанубий Хуросон вилоятидаги кўмир конида содир бўлган портлаш
оқибатида 52 киши ҳалок бўлди, 20 киши жароҳатланди, деб хабар берди Эрон
давлат телевидениеси.
Дастлабки маълумотларга кўра, коннинг икки блокидаги портлашга метан сизиб чиқиши сабаб бўлган. Ҳодиса вақтида воқеа жойида 69 киши ишлаган, деди Жанубий Хуросон губернатори Жавад Генаатзода. Вайроналар остида қанча одам қолиши мумкинлиги ҳақида хабар берилмаган.
Эрон президенти Масуд Пезешкиан қурбонларнинг оила
аъзоларига ҳамдардлик билдириб, уларга ёрдам кўрсатишга ваъда берди, шунингдек,
воқеа юзасидан тергов бошланганини эълон қилди.
Табас
кони 30 минг квадрат километрдан ортиқ майдонни эгаллайди ва Эрон пойтахти
Теҳрондан тахминан 540 км узоқликда жойлашган. Эрон давлат ахборот агентлиги IRNA
Табасни мамлакатдаги "энг бой ва энг катта кўмир тумани" деб атайди.
Мавзуга алоқадор
-
Эрон туризмни жонлантириш мақсадида 32 давлат билан виза тартибини бир томонлама бекор қилишга қарор қилди. Улар орасида Ўзбекистон ҳам бўлиши мумкин.
-
Эрон мудофаа вазири АҚШнинг Қизил денгиздаги кемаларни ҳимоя қилиш учун халқаро гуруҳ яратиш режасини танқид қилиб, агар шундай қилинса, жиддий муаммоларга учрашини айтди.
