21.08.2025 10:04
74
Энди жума намозини сабабсиз қолдирганлар жазоланади, Малайзияда
Малайзиянинг Теренггану штатида узрсиз жума намозини ўтказиб юборган мусулмонларга 3000 ринггит (тахминан 710 АҚШ доллари) миқдорида жарима ёки икки йилгача қамоқ жазоси тайинланиши мумкин.
Илгари жазо фақат кетма-кет уч жума намозини ўтказиб юборганларга нисбатан қўлланиларди, бироқ янги ўзгартиришларга кўра, бир марта ўқимаганлик учун ҳам жазо чоралари кўзда тутилган.
Тарғибот ишлари доирасида Теренггану масжидларида жума намозини ўқишни эслатувчи белгилар ва баннерлар ўрнатилиши режалаштирилган.
Ахборот, тарғибот ва шариат билимлари бўйича давлат котиби Муҳаммад Халил Абдул Ҳодийнинг таъкидлашича, қонуннинг киритилиши Ислом анъаналарига ҳурмат туйғусини тарбиялаш ва айниқса, ёшларда дин қадр-қимматини сақлашга қаратилган.
Шунингдек, янги ўзгартиришларга кўра, Рамазон ойида рўза тутмаганлар ҳамда жамоат жойларида аёлларни безовта қилган шахсларга нисбатан ҳам жазо чоралари кучайтирилган.
