Бутунжаҳон Ислом уламолари мусулмон давлатлари раҳбарларини исроил билан алоқаларни узишга чақирмоқда

Мурожаатда уммат тақдиридан чуқур хавотир билдирилган ва мактуб муаллифлари бутун Ислом олами учун экзистенциал таҳдид деб атаган Исроил сиёсати қораланган. Уюшмага кўра, Ғазодаги воқеалар нафақат минтақавий можаро, балки мусулмон халқларининг мавжудлиги ва мустақиллиги учун курашдир.

Босқинчи исроил билан муносабатларни узиш – сиёсий, иқтисодий ва дипломатик алоқаларни дарҳол тўхтатиш; чунки сионистик режим келишувларга амал қилмайди.

Маънавий тикланиш ва тавба – мусулмонларни моддий ва ҳарбий ресурсларни ривожлантириш баробарида Аллоҳ таолога юзланиб, ички иймон-эътиқодини мустаҳкамлашга чақириш.

Бирлик ва биродарлик – ихтилофни енгиш ва мусулмон оламини ихлос ва ўзаро ёрдам асосида бирлаштириш.

Стратегик ривожланиш – ислом давлатларини сиёсий, ҳарбий, илмий ва иқтисодий жиҳатдан мустаҳкамлашнинг комплекс режасини ишлаб чиқиш.

Хавфдан хабардор бўлиш – исроил фаластинликларга ҳеч қандай ҳуқуқ бермоқчи эмаслигини ва "Буюк исроил" лойиҳасини амалга ошираётганини тан олиш.

Ўз ватани озодлиги учун курашаётган фаластинликларни очиқ қўллаб-қувватлаш, шу жумладан ишғолга қарши қуролли кураш.

Ғазо блокадасини бекор қилиш – зудлик билан чегара ўтиш жойларини очиш ва тинч аҳолини қирғин қилишни тўхтатиш учун босим ўтказиш.

Халқаро бирдамлик – жаҳон ҳамжамиятини Исроил жиноятларини фош қилишга ва уларга сиёсий ва ҳуқуқий даражада фаол қаршилик кўрсатишга чақириш.

Мактубнинг якуний қисмида уламолар бугунги Ислом олами қаршисида катта танлов турганидан огоҳлантирган:

“Биз ё озод ва қадрли умматга айланамиз ёки – Аллоҳ асрасин – сионистларнинг ишғол ва ёвузлик лойиҳасига бўйсунамиз”.