Бомбалар остидаги Ғазо: 136‑куннинг асосий воқеалари

Исроил томонидан Ғазо секторида қатлиом бошланганига 136 кун бўлди. Ўтган куннинг асосий воқеалари дайжести.

▪️ 24 соат давомида босқинчилар Ғазо секторидаги 29 та уйни бомбалади, натижада 127 киши ҳалок бўлди, 205 киши жароҳатланди. Уларнинг 90 фоизи болалар ва аёллардир.

▪️ 7 октябрда бошланган Исроил ҳужумлари натижасида ҳалок бўлганларнинг сони 28 985 нафарга, жароҳатланганлар эса 68 883 нафарга етди.

▪️ Ғазо Соғлиқни сақлаш вазирлиги: Босқинчилар ҳали ҳам кўп сонли тиббиёт ходимлари, беморлар ва кўчирилганларни Нассаеп касалхонасининг туғруқ бўлимида ушлаб, оғир ва ғайриинсоний шароитларда сўроқ қилишмоқда.

▪️ Ғарбий Соҳилда босқинчилар Фаластиннинг Женин, Рамаллаҳ, Наблус ва Хеврон шаҳарларига катта вайронагарчилик билан бостириб кирди. Қуддусда босқинчилар оммавий ҳибсга олиш кампаниясини бошлаб юборди, бу кампания давомида ёшларни Рамазон ойида Ал-Ақсо масжидига бормаслик мажбуриятини имзолашга мажбурламоқда.

▪️ Исроилнинг  Haarezt газетаси миллий хавфсизлик вазири Бен-Гвир ва унинг идораси амалдорлари октябрь ойидан буён фуқароларга қурол олиб юришга 14 минг дона лицензия берганини маълум қилди. Мамлакатда қурол устидан назорат издан чиққан.

Исроил армияси 202-парашют-десант бригадасидан 20 ёшли Симон Шломовнинг Ғазо жанубидаги жангларда ўлганини билдирди. Шундай қилиб, эксклавга қуруқликдан ҳужум бошланганидан буён 236, 7 октябрдан буён 574 та Исроил ҳарбийсининг ўлгани расман тан олинди.

▪️ Хусийлар Яман ғарбидаги Моха шаҳри қирғоқларидаги Баб ал-Манда бўғозида Британия кемасига ҳужум қилди. Кема шикастланган.

▪️ Ҳизбуллоҳ Эвин Менахем аҳоли пунктида исроиллик босқинчилар гуруҳига ҳужум қилди. Ўлганлар ва яраланганлар бор.

▪️ ҲАМАС: Нетаньяхунинг миллий хавфсизлик вазири Бен Гвирнинг Рамазон ойида фаластинликларни Ал-Ақсо масжидига киришини тақиқлаш таклифини қабул қилиши босқинчи ҳукуматнинг диний уруши давоми ҳисобланади.

▪️ Қитъанинг барча давлатларини ўз ичига олган Африка Иттифоқи саммитида Ғазода зудлик билан ўт очишни тўхтатиш чақирилди ва босқинчилар ҳаракатларини Фаластин халқининг геноциди деб баҳолади.

Мавзуга алоқадор

Энг кўп ўқилган

Тавсия қилинган

Реклама