Бомбалар остидаги Ғазо: 126‑куннинг асосий воқеалари

Исроил томонидан Ғазо секторида қатлиом бошланганига 126 кун бўлди. Ўтган куннинг асосий воқеалари.

▪ 24 соат давомида босқинчилар Рафах, Дайр ал-Бахахи ва Хон Юнисга ҳужум қилди. Кун давомида 15 та оммавий қотиллик содир этилди, бунинг натижасида 130 киши ҳалок бўлди, 170 киши яраланди.

▪ 7 октябрдан буён Ғазода Исроил ҳужумлари натижасида 27 840 фаластинлик, жумладан 12 150 бола ва 8 000 дан зиёд аёл ҳалок бўлди, 10 мингга яқин киши бедарак йўқолган.

▪ Босқинчилар Ғазо марказида кўчирилганлар бошпана топган болалар боғчасига ҳужум қилишди. 4 киши ҳалок бўлди, ўнлаб одамлар яраланди.

▪ Босқинчилар Ғазо секторидан бир дивизия, 3 та бригада ва бир батальонни, Хон Юнисдан эса бир батальонни олиб чиқиб кетди.

▪ Ирландия бош вазири Мишел О`Нил: ҲАМАС охир-оқибат Яқин Шарқда тинчлик ўрнатишда ҳамкорга айланади. Яқин Шарқдаги можарога барҳам беришнинг ягона йўли мулоқотдир.

▪ Иордан дарёсининг ғарбий соҳилида босқинчилар Хеброн, Қалқиля, Байтлаҳм ва Наблусга бостириб кирди ва бу ерда 6 нафар фаластинлик ҳалок бўлди. Тулкармда босқинчилар қамоқдан чиққан ёшларни ҳибсга олди.

▪ Байден: Исроилнинг Ғазодаги жавоби меъёридан ошиб кетди. Ғазо секторида жуда кўп бегуноҳ одамлар оч қолмоқда ёки ўлмоқда. Ғазо аҳолисининг очлиги тўхтатилиши керак.

▪ Ливан жанубидан босиб олинган Фаластин ҳудудларига Юқори Жалила томон 30 та ракета учирилди.

▪ ЮНИСEФ: Биз зудлик билан томонларни 600 мингдан ортиқ болалар ва уларнинг оилалари паноҳ топган Рафахда ҳарбий вазиятни кучайтиришдан тийилишга чақирамиз.

▪ Исроил армияси: Ҳизбуллоҳ томонидан Исроил шимолидаги Кирьят‑Шмонга отилган танкка қарши ракеталардан 3 аскар жароҳат олди, бирининг аҳволи оғир.

▪ Maersk Shipping Company Қизил денгиздаги вазият туфайли 2023 йилнинг охирги чорагидаги даромад ўтган йилнинг шу даврига нисбатан 87 фоизга камайганини маълум қилди.

Мавзуга алоқадор

Энг кўп ўқилган

Тавсия қилинган

Реклама