Бомбалар остидаги Ғазо: 125‑куннинг асосий воқеалари

Исроил томонидан Ғазо секторида қатлиом бошланганига 125 кун бўлди. Ўтган куннинг асосий воқеалари дайжести.

▪ Ғазо қирғинининг 125-куни босқинчилар Рафах, Дайр ал-Балаҳий ва Хон Юнисга ҳужум қилди. Кун давомида 16 та оммавий қотиллик содир этилди, 123 киши ҳалок бўлди. Қурбонлар сони 27 708, ярадорлар сони 67 147 нафарга ошди.

▪ Босқинчилар Носир касалхонаси яқинида шиддатли ўт очмоқда, снайпер ўқидан икки фаластинлик ҳалок бўлди. Амал касалхонаси 18 кундан бери босқинчилар томонидан қамалда, қолган беморлар ҳамда кўчирилганлар озиқ-овқат ва сувдан маҳрум.

◾Ал-Қудс бригадаси Хон Юнис шаҳри ғарбидаги уйда яширинган 10 нафар аскардан иборат махсус сионист отрядга ҳужум қилди. Ғазо шаҳрида Меркава танки ҳам портлатилган.

▪ Норвегия Ғазодаги ҳалокатли вазиятга қарши курашиш учун ЮНРВАга 26 миллион доллар ажратди.

▪ ҲАМАС Ғазода асирлар алмашинуви ва ўт очишни тўхтатиш бўйича уч босқичли режани қабул қилди. Ҳар бир босқичнинг 45 кундан иборат бўлиши айтилди.

▪ БМТ: Биз ишғол остидаги қуруқликдаги қўшинларнинг Ғазо жанубидаги Рафах томон олдинга силжиши муносабати билан аҳоли тақдиридан чуқур хавотир билдирамиз. Миср билан тўғридан-тўғри чегарада жойлашган ҳудудда ҳозир миллиондан ортиқ аҳоли истиқомат қилмоқда.

▪ Иордан дарёсининг ғарбий соҳилидаги “Нур‑Шамс” лагерида Исроил томонидан ўтказилган рейд давомида “Ал-Ақсо шаҳидлари” бригадаси етакчиси Мутасам Али ҳалок бўлди.

▪ Ҳусийлар: Америка-Британия тажовузи Ходайда ва Саада вилоятига зарба берди.

▪ Ғазода саратон касаллигига чалинган 10 минг нафар бемор 4 ойдан ортиқ вақт давомида дори воситалари ва даволанишдан маҳрум қолаётгани маълум қилинди.

Мавзуга алоқадор

Энг кўп ўқилган

Тавсия қилинган

Реклама