Бомбаланаётган Ғазо: 298-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 298 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Хон Юнис ва Ғазо шаҳрига ҳужум қилди. Уруш бошланганидан буён 39363 киши шаҳид бўлди. 90 923 киши жароҳатланди.

▪️Исроил ишғол кучлари, кеча кечқурун ва сешанба куни эрталаб ишғол қилинган Ғарбий Соҳилнинг турли ҳудудларидан камида 15 нафар фаластинликни қўлга олди. Ғарбий Соҳилдаги ҳибсга олинганлар сони 2023 йил 7 октябрдан бошлаб тахминан 9870 га ошди.

▪️Ҳизбуллоҳ Кирят Шмона аҳоли пунктларига Катюша ракета ҳужумларини уюштирди, ёнғин 6 соатдан кўпроқ вақт давомида ўчирилди.

▪️Исроил ишғол кучлари Хон Юнис шарқидан олиб чиқиб кетилгандан кейин аҳоли ўз уйлари ва уларнинг вайроналарига қайтишни бошлади.

▪️1200 нафар босқинчи Сде Теман қамоқхонасида фаластинлик маҳбусларни қийноққа солиш ва зўрлашда гумон қилинаётган 9 нафар исроиллик назоратчи ҳибсга олинган Бейт Лид базасига бостириб кириб, маҳбуслар озод этилишини талаб қилди.

▪️ҲАМАС: Сде Тейман қамоқхонасида маҳбусларга нисбатан содир этилаётган шафқатсиз қонунбузарликлар инсоний қадриятларга қарши бўлган қаллоб босқинчиларнинг табиатини тасдиқлайди.

▪️Босқинчи армия Бейт Лид базасини ҳимоя қилиш учун Наҳал бригадасини Ғазодан олиб чиқди.

▪️Ғазо Соғлиқни сақлаш вазирлиги Фаластин анклавида полиомиелит эпидемияси ҳақида эълон қилди.

▪️ҲАМАС сиёсий бюроси раиси Исмоил Ҳания бошчилигидаги ҳаракатнинг юқори мартабали делегацияси Эроннинг янги президенти Масъуд Пезшкяннинг инаугурация маросимида иштирок этиш учун ушбу мамлакатга ташриф буюрди. 

Мавзуга алоқадор

Энг кўп ўқилган

Тавсия қилинган