Бомбаланаётган Ғазо: 278-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 278 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Хон Юнис, Нусейрат
лагери, Шужая ҳудуди ва Ғазо марказига ҳужум қилди. Бир кунда 50 дан ортиқ одам
ҳалок бўлди. Уруш бошланганидан буён 38243 киши шаҳид бўлди.
▪️Босқинчиларнинг Хон-Юнисдаги
кўчирилганлар жойлашган мактабга ҳужуми натижасида қурбонлар сони 31 кишига
етди, уларнинг ярми болалар. Бу сўнгги 4 кун ичида одамлар бўлган мактабларга
қилинган тўртинчи ҳужумдир.
▪️Фаластин Қизил Ярим Ой жамияти: Экипажларимиз ўққа
тутилишининг жадаллиги
ортгани туфайли Ғазодаги ўнлаб фавқулодда қўнғироқларга жавоб бера
олмаяпти.
▪️Ҳусийлар: Араб денгизи ва Адан кўрфазида Америка ва
Исроилнинг иккита кемасига қарши 3 та операция ўтказдик.
▪️Европа Иттифоқи раҳбари: Хон Юнис мактабидаги портлаш учун
жавобгарлар жавобгарликка тортилиши керак.
▪️БМТ: Исроилнинг қасддан Фаластин халқини очликдан ўлдириш
кампанияси Ғазода оммавий очарчиликка олиб келган геноцид зўравонлигининг бир
туридир.
▪️Озод қилинган фаластинлик маҳбус Музаз Обаят: Босқинчи
вазир Бен-Гвир 4 декабрь куни Офер қамоқхонасига ташриф буюрди ва у ерда танам
устидан ўтиб, мени ҳақорат қилди.
Мавзуга алоқадор
-
15 декабрь куни Исроил-Фаластин урушига алоқадор энг муҳим янгиликлар дайжести.
-
Исроил-фаластин урушининг 74-кунида содир бўлган энг муҳим воқеа-ҳодисалар дайжести.
