Бомбаланаётган Ғазо: 259-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 259 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Хон Юнусда кўчирилганларнинг чодирларига, Рафаҳ, Дайр ал-Балоҳ ва Нусайрат лагеридаги турар-жой биноларига ҳужум қилди. Ўнлаб одамлар ҳалок бўлди. Уруш бошланганидан буён шаҳид бўлганлар 37431 нафарга етди.

▪️Ғарбий Соҳилда ишғолчилар Рамаллаҳ, Наблус ва Қалкилияга ҳужум қилди. 3 фаластинлик ҳалок бўлди, улардан бири бола. Ўнлаб одамлар ҳибсга олинган.

▪️Ал-Қассам бригадалари Рафаҳдаги пистирма пайтида 2 та "Меркава" танки ва иккита "Эитан" зирҳли транспортёрини экипажи билан бирга портлатиб юборди. Улар, шунингдек, пистирмага дуч келган ярадор босқинчиларни эвакуация қилиш учун юборилган вертолётларни ҳам ортига қайтишга мажбур қилишган.

▪️Сионистларнинг нашрлари "Рафаҳдаги Шабура лагерида жиддий воқеа содир бўлди", деб жар солишмоқда. Ўлганлар сони аниқланмаган. Мустақил экспертлар камида 35 сионист аскари йўқотилганини айтмоқда.

▪️"Reuters": Блинкен Исроилни Ҳизбуллоҳ билан зиддият кучайиб кетишига йўл қўймасликка чақирди.

▪️"The Guardian": Исроил армияси Ғарбий Соҳилдаги қонуний ваколатларини кўчманчиларни қўллаб-қувватловчи амалдорларга топширди.

▪️БМТ: Биз қурол ишлаб чиқарувчиларни Исроилга қурол етказиб беришдан огоҳлантирамиз. Бу уларни Ғазода содир этилаётган халқаро ҳуқуқбузарликларга шерик қилади.

▪️Арманистон Фаластинни давлат сифатида тан олганини эълон қилди.

Мавзуга алоқадор

Энг кўп ўқилган

Тавсия қилинган

Реклама