Бомбаланаётган Ғазо: 251-куннинг асоси воқеалари
Исроил Ғазо секторида босқинчилик ва қирғинбарот урушини бошлаганига 251 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️ Босқинчилар
кун давомида Рафаҳ,
Шужайя ва аз-Зайтун ҳудудлари ҳамда Нусайрат лагерига ҳужум қилди. Уруш
бошланганидан буён 37202 киши шаҳид бўлди.
▪️ Ғарбий
Соҳилда ишғолчилар Женин, Наблус ва Халилга бостириб киришади. Бир фаластинлик
ҳалок бўлди, 5 киши яраланди, ўнлаб одамлар ҳибсга олинди.
▪️ Ҳусийлар
Ироқнинг исломий қаршилик кучлари билан биргаликда Ашдод ва Ҳайфага ҳужум
қилишди. Ҳайфа мэри – хорижда.
▪️ Ҳизбуллоҳ
томонидан учирилган 200 та ракета Ғазода уруш бошланганидан бери энг йириги
бўлди. Шунингдек, ўша тунда ҳаракат 146-дивизион босқинчиларнинг янги
ташкил этилган штаб-квартирасига ҳужум қилди.
▪️ БМТ: 7
октябрдан бери ишғол остидаги Ғарбий Соҳил ва Шарқий Қуддусда Исроилнинг
рейдлари натижасида 521 нафар фаластинлик, жумладан, 126 нафардан ортиқ бола
ҳалок бўлди.
▪️ ЖССТ
раҳбари: Ғазода ҳалокатли очарчилик ҳукм сурмоқда. Уруш давом этаётган ҳудудда
5 ёшгача бўлган 8000 дан ортиқ болалар ўткир тўйиб овқатланмасликдан азият
чекмоқда.
▪️ Европа-Ўртаер
денгизи инсон ҳуқуқлари ташкилоти: Босқинчилар Ғазодан келган фаластинлик
маҳбусларга номаълум моддаларни куч билан киритмоқда. Босқинчилар қотиллик, жинсий
зўравонликнинг турли шакллари ва қийноқларни қўллашяпти.
▪️ БАА,
Иордания, Миср ва Баҳрайн қўшинлари бош қўмондонлари Баҳрайнда ИД штаб бошлиғи
билан учрашди.
▪️ Америка
қонунчилари Пентагоннинг Ғазони қайта тиклаш учун маблағ ажратишига тўсқинлик
қилишди. Куни кеча Энтони Блинкен ўз мамлакати 400 миллион доллар ажратишини
маълум қилганди.