Бомбаланаётган Ғазо: 197-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 197 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️ Босқинчилар Рафаҳ, Нусейрат лагери, Хон Юнис ва Дайр ал-Балаҳга ҳужум қилиб, кўп сонли болаларни ўлдирди. Бир кунда 42 киши шаҳид бўлди. Умуман олганда, уруш бошланганидан бери қурбонлар сони 34 минг кишидан ошди, 76 833 киши жароҳат олди.

▪️ Ғарбий Соҳилда ишғолчиларнинг Нур Шамс лагерига уюштирган ҳужуми натижасида бир бола ва Ал-Қудс бригадасининг Тулкармдаги батальони қўмондони ҳамда 7 нафар фаластинлик шаҳид бўлди. Лагерга ҳужум иккинчи кундан бери давом этмоқда. Босқинчилар лагерда сўнгги ўн йилликлардаги энг катта вайронагарчиликка сабаб бўлди.

▪️ Яҳудий босқинчиларининг Бағдоддаги халқ сафарбарлик кучлари ҳарбий базасига уюштирган ҳужуми натижасида бир киши ҳалок бўлди, бир неча киши яраланди. Бобилдаги Калси базаси ҳам зарбага учради.

▪️ Фашистлар таълими вазири Бен Гвир "қамоқхоналардаги гавжумликни камайтириш" учун фаластинлик маҳбусларни қатл қилишга чақирди.

▪️ 20 апрель куни Туркия президенти Ражаб Тоййиб Эрдўғон Истанбулда Дўлмабоғча қароргоҳида ҲАМАС ҳаракати сиёсий бюроси раҳбари Исмоил Ҳания билан учрашади.

▪️ Истеъмолчиларни 7 тилда инсон ҳуқуқлари бузилиши, геноцид, атроф-муҳит ифлосланиши ва ҳайвонларга шафқатсиз муносабатда бўлгани учун дунё бўйлаб бойкот қилинган маҳсулот ва компаниялар ҳақида маълумот берувчи Boycott X иловаси ишлаб чиқилди.

▪️ АҚШнинг Нью-Йорк шаҳридаги Колумбия университети ҳудудида Ғазодаги геноцид ва Фаластин ишғолидан фойда кўраётган ширкатларга молиявий сармоя киритилишига қарши тинч ўтириш кўринишида намойиш ўтказган 100 га яқин талаба ҳибсга олинди.

▪️ АҚШ Конгрессининг Вакиллар палатасида Украина (60,8 миллиард доллар) ва Исроилга (26,4 миллиард доллар) ҳарбий ёрдам кўрсатиш тўғрисидаги қонун лойиҳалари процессуал овоз беришдан ўтди (ҳа - 316, қарши - 94 та овоз).