БМТ: Дунё бўйлаб 282 млн киши ўткир очликдан азият чекмоқда
БМТнинг Озиқ-овқат ва қишлоқ хўжалиги ташкилоти (ФАО) Женева директори Доминик Буржеоннинг маълум қилишича, дунё бўйлаб тахминан 282 миллион киши ўткир очарчиликка дуч келмоқда.
Буржеон ушбу рақам Ла-Нинья об-ҳаво ҳодисаси бошланиши билан ортиши мумкинлигини қўшимча қилди.
Ҳисоб-китобларга кўра, 2024 йилнинг сентябрь-ноябрь ойлари орасида бошланадиган Ла-Нинья эҳтимоли 71 фоиз ва унинг таъсири 2025 йилнинг январь-мартигача давом этиши кутилмоқда.
"Иқлим ўзгариши Ла Нинья билан боғлиқ бўлган экстремал ҳодисаларнинг частотаси ва интенсивлигининг ошишига олиб келади", деди Буржеон.
Унинг таъкидлашича, Африка, Осиё ва Европада содир бўлаётган бир қатор сув тошқинлари ва тайфунлар бу муаммонинг қанчалик глобал эканлигини ёрқин эслатиб туради.
Иқлим ўзгаришига жуда сезгир бўлган қишлоқ хўжалиги озиқ-овқат тизимлари тупроқ ва сув ресурсларининг таназзулга учраши каби узоқ муддатли таъсирларга дуч келиши мумкин.
"Йўқотилган экин мавсуми, маҳсулот маҳсулдорлигининг пасайиши ва ҳайвонларнинг нобуд бўлиши фермерлар ишини қийинлаштириб, миллионлаб инсонларни янада очлик ва қашшоқликка етаклайди. Бу доиранинг давом этишига йўл қўймаслигимиз керак. Жуда кеч бўлишига қадар кута олмаймиз. Фалокатларни турли усулларда бошқариш вақти келди", деди у.
Мавзуга алоқадор
-
Чекланган гуманитар ёрдам туфайли бу рақамлар келгуси ҳафта ва ойларда янада ошиши мумкин.
-
ЮНИСЕФ Суданда давом этаётган қуролли можаролар ва тўйиб овқатланмаслик туфайли камида 700 минг бола ўлим хавфи остида эканини маълум қилди.
