БМТ: 2023 йилда дунёда рекорд даражада инсонпарварлик ташкилотлари ходимлари ўлдирилди
БМТнинг Гуманитар масалаларни мувофиқлаштириш бошқармаси (ОЧА) ўтган йили дунё бўйлаб 280 нафар ёрдам ходими ҳалок бўлгани, бу 2023 йилни глобал ёрдам ҳамжамияти учун рекорд даражадаги энг ҳалокатли йилга айлантирганини маълум қилди.
БМТ ва унинг ҳамкорлари ҳукуматларни инсоният номидан қатъий
чоралар кўришга чақирди.
“2023 йилда 33 мамлакатда 280 нафар ёрдам ходими ҳалок
бўлди. 2023 йил глобал гуманитар ҳамжамият тарихидаги энг ҳалокатли йил бўлди.
Бу тасаввур қилиб бўлмайдиган даражада юқори кўрсаткич 2022 йилга нисбатан 137
фоизга ўсди, ўшанда 118 нафар ёрдам ходими ҳалок бўлган”, — дейилади ҳисоботда.
Шу билан бирга, БМТ ОЧА 2024 йил гуманитар ходимлар учун
янада ҳалокатли бўлиши мумкинлигига эътибор қаратди.
Мавжуд маълумотларга кўра, жорий йилнинг 7 августига қадар
172 нафар ёрдам ходимлари ҳалок бўлган, дейилади хабарда.
“2023 йилда ёрдам ходимларининг ўлимининг ярмидан кўпи Ғазо
секторидаги можаронинг дастлабки уч ойида (2023 йил октябрь-декабрь) қайд
этилган ва асосан (Исроил) ҳаво ҳужумлари натижасида содир бўлган. 2023 йил
октябрь ойидан буён биргина Ғазо секторида 280 дан ортиқ ёрдам ходимлари, асосан
БМТнинг Яқин Шарқдаги Фаластинлик қочқинларга ёрдам ва ишлар агентлиги (ЮНРВА) ҳалок бўлди.
Фуқаролар тартибсизликлари остида қолган Жанубий Судан, шунингдек, армия ва
Тезкор ҳаракат кучлари 2023 йил апрелидан бери уруш олиб бораётган Судан
2023-2024 йиллардаги навбатдаги энг ҳалокатли можаролардир.
Ҳисоботга кўра, Яманда кўплаб гуманитар ходимлар ҳибсда
қолмоқда.
Гуманитар ходимларга нисбатан зўравонликни нормаллаштириш
қабул қилиниши мумкин эмас.
"Гуманитар ходимларга нисбатан зўравонликнинг
нормаллашиши ва жавобгарликнинг йўқлиги қабул қилиниши мумкин эмас, ақлга
сиғмайди ва бутун дунё бўйлаб гуманитар операцияларга катта зарар етказади", деди ОЧА
директори вазифасини бажарувчи Жойс Мсуя.
Мсуя ҳукуматдан тинч аҳолига нисбатан ҳуқуқбузарликларни
тўхтатиш ва бу жирканч ҳужумлар учун жазосиз қолиш учун чоралар кўриш талабини
яна бир бор таъкидлади.
БМТ ОЧА бу йилги Бутунжаҳон гуманитар ёрдам кунида ижтимоий
тармоқларда «#ActforHumanity» хештеги билан рақамли кампания бошлашини айтди ва
барчани уни қўллаб-қувватлашга чақирди.
Мавзуга алоқадор
-
Исроил-Фаластин урушининг учинчи ойи якуни бўйича Миср, Ливан ва Иордания 10,3 млрд долларлик даромадини йўқотиши мумкин.
-
БМТ агентлиги Ғазо ўз ялпи ички маҳсулотини ҳатто жанговар ҳаракатлар тўхтаб, охирги 0,4 фоизлик ўсиш суръатига қайтганидан кейин ҳам 2092 йилгача тиклаши мумкинлигини маълум қилди.
