Бангладеш роҳинжа қочқинларни қўллаб-қувватлашни давом эттиришга ваъда берди
Бангладеш муваққат ҳукумати роҳинжа қочқинларини қўллаб-қувватлашда давом этади, деди 18 август куни янги бош вазир, Тинчлик бўйича Нобель мукофоти совриндори Муҳаммад Юнус.
Шунингдек, у диний таъқиблар таҳдиди туфайли Мьянмани тарк этишга мажбур бўлган қочқинлар муаммосини ҳал қилиш учун халқаро ҳамкорлик зарурлигини таъкидлади.
“Ҳукуматимиз Бангладешдан бошпана топган бир миллиондан ортиқ роҳинжаларни қўллаб-қувватлашда давом этади. Бизга халқаро ҳамжамиятнинг роҳинжалар учун гуманитар операцияларни ўтказиш ва охир-оқибат ўз ватанлари Мьянмага хавфсиз, қадр-қиммат ва барча ҳуқуқларни ҳурмат қилган ҳолда қайтариш бўйича саъй-ҳаракатларини давом эттириш керак”, – деди Юнус Даккадаги дипломатлар билан учрашувда.
Маълумот учун, ҳозирда 1 миллиондан ортиқ роҳинжа қочқинлари Бангладешда бошпана топган. Уларнинг аксарияти 2017 йилда Мьянмадаги ҳарбий тўқнашувлардан қочиб келган.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 195 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Эрта тонгда Исроил кучлари Ғазо шаҳри жанубидаги Решид кўчасидаги Наблуси чорраҳаси яқинида инсонпарварлик ёрдамини кутаётган фаластинликлар оломонига зарба берди. Ҳужум оқибатида ҳалок бўлганлар сони 104 нафарга етди, 760 киши яраланган. Шунингдек, секторда яна 7 бола очликдан ўлди ва улар сони 13 нафарга етди.
