27.05.2025 10:37
244
Ҳаж учун 40 йил тайёрланди
Қарийб 40 йил давомида Ҳажга пул йиғган индонезиялик эр-хотин ниҳоят Макка етиб келди. Жуфтлик Ҳаж сафарига бориш учун 40 йил давомида тиришқоқлик билан ишлаб, маблағ тўплаган.
Фаррош бўлиб ишлаган ҳожи Легиман ва унинг рафиқаси 1986-йилдан бошлаб ҳар ой бироз пул йиға бошлашган.
Йиллар давомида сабр билан ниятлари сари интилиб, ниҳоят 2025-йилда ҳаж сафарига рўйхатдан ўтишди.
«Ниҳоят, Каъбани ўз кўзим билан кўра олганимга ҳали ҳам ишонолмаяпман», дейди ҳозирда рафиқаси билан бирга Маккада бўлган Легиман.
Легиман оиласининг Ҳаж ҳикояси ибратлидир. Мақсадни амалга ошириш учун ният ва ҳаракат кифоя.
