АҚШда McDonald's маҳсулотларидан 90 киши заҳарланди
АҚШ Касалликларни назорат қилиш ва олдини олиш маркази (CDC) мамлакатнинг 13 штатида McDonald's “Quarter Pounder” гамбургерида топилган коли бактериялари билан боғлиқ янгиланган маълумотларни эълон қилди.
Баёнотда ушбу бактерия туфайли касалланганлар сони 90 нафарга етгани, 27 киши касалхонага ётқизилгани қайд этилди.
АҚШ озиқ-овқат ва фармацевтика идораси (FDA) эълон қилган баёнотда McDonald's “Quarter Pounder” гамбургерларида ишлатиладиган тўғралган пиёз ушбу бактерияларни келтириб чиқариши мумкинлиги таъкидланган.
Баёнотда зарар кўрган штатлардаги ресторанларда ушбу маҳсулотдан фойдаланиш тўхтатилгани айтилган.
CDC 23 октябрь куни E.Coli билан касалланган 49 кишидан бири вафот этганини эълон қилди. McDonald's баъзи штатларда ушбу гамбургерларни сотиш ва шубҳали ингредиентлардан фойдаланишни тўхтатганини билдирди.
Эслатиб ўтамиз, McDonald's Ғазода қатлиом уюштираётган Исроил аскарларига бепул егуликлар тарқатгани ортидан глобал миқёсда бойкотга учраган эди. Тармоқ айниқса Яқин Шарқ ва кўплаб мусулмон мамлакатларда миллиардлаб доллар зарар кўрди.
Мавзуга алоқадор
-
McDonald's Malaysia 2 ой давомида 6 млн рингит (1,31 млн доллар) даромаддан маҳрум бўлгани сабабли бойкот ҳаракати ташаббускорларини судга берди.
-
Исроилнинг фаластинликларни қирғин қилишини қўллаб‑қувватлаганликда айбланиб, бойтотга учраган McDonald's ўтган чоракда сўнгги тўрт йил ичида биринчи марта савдо мақсадларига эришмаганини маълум қилди. "Уруш давом этар экан, бу бозорларда тикланишни кутмаймиз", деди McDonald's бош директори Крис Кемпчински.
