АҚШда 4 давлатдан келган мигрантларнинг ҳуқуқий мақоми бекор қилинади

АҚШга Куба, Гаити, Никарагуа ва Венесуэладан махсус виза дастури асосида келган мигрантлар ҳуқуқий мақомидан маҳрум қилинади, дея ҳабар қилмоқда Анадолу агунтлиги.  

АҚШнинг расмий ҳужжатларида (US Official Gazette) эълон қилинган лойиҳага кўра, АҚШ Ички хавфсизлик вазирлиги (DHS) ушбу тўрт давлатдан келган мигрантларга нисбатан қарор қабул қилган.  

Ҳужжатга мувофиқ, АҚШ ҳудудида бўлган асли Куба, Гаити, Никарагуа ва Венесуэла фуқароси бўлган шахслар ўз ҳуқуқий мақомидан айрилади.  

Мазкур қарорнинг якуний варианти 25 март куни эълон қилиниши кутилмоқда. Ушбу қарор 532 минг мигратга таъсир кўрсатиши мумкин.  

Эслатиб ўтамиз, 2022 йилда кучга кирган ушбу дастур доирасида АҚШда “ҳомийлари” бўлган мигрантларга гуманитар сабабларга кўра икки йил давомида мамлакатда яшаш ва ишлаш ҳуқуқи берилган эди.