09.12.2024 14:15
Трамп Конгресс босқинида жазоланганлар ва мигрантлар бўйича чора кўрмоқчи
2021 йил 6 январь куни АҚШдаги ўта ўнг гуруҳлар ва собиқ АҚШ президенти Трамп тарафдорлари 2020 йил 3 ноябрдаги сайлов натижаларини тасдиқлаш учун сессия бўлиб ўтган Конгресс биносига бостириб киришганди. Босқин катта реакцияга сабаб бўлган.
6 январь кунги Конгресс босқинида айбдор, деб топилган шахсларга диққат қаратган Трамп улардан баъзилари йиллар давомида қамоқда ўтирганини айтди. Бу ҳақда NBC News нашри хабар берди.
Қайд этилишича, Босқинда айбланганлар агар радикал ёки ақлдан озган бўлса, истиснолар бўлиши мумкин.
АҚШдаги тартибсиз муҳожирлар билан боғлиқ вазият ҳақида тўхталган Трамп буни тугатиш кераклигини айтди.
Унинг таъкидлашича, туғилиш орқали олинган фуқаролик ҳуқуқи ҳам бекор қилинади. Бу ҳуқуқ фақат фарзандлар учун амал қилишини билдирди.
“Болалар қонуний мақомга эга бўлса-ю, ота-оналар ноқонуний бўлса, мен оилаларни ажратишни хоҳламайман. Шунинг учун оилаларни бирлаштириш учун бутун оилани қайтариб юбориш керак", деди у.
Ноқонуний муҳожирларни депортация қилишга алоҳида тўхталган Трамп: "Жиноятчиларни мамлакатдан олиб ташлашимиз керак" деди.