AP: Эрон ракета объектларини қайта тиклашни бошлади

Associated Press нашрининг янги сунъий йўлдош тасвирлари таҳлилига таяниб ёзишича, Эрон исроил билан бўлган 12 кунлик уруш давомида зарар кўрган қатор ракета ишлаб чиқариш объектларини қайта тиклашни бошлади.

Босқинчи исроил билан уруш қайта бошланиши мумкин бўлган бир шароитда форс давлати учун ракета дастурини қайта тиклаш ҳаётий аҳамиятга эга, дейилади хабарда. Чунки ракеталар мамлакат учун энг асосий тийиб туриш воситаси ҳисобланади.

Теҳроннинг асосий мақсадларидан бири – ракета ёқилғисининг таркибий қисмларини баробар аралаштириш учун зарур ускуналарни қўлга киритиш. Мутахассисларнинг фикрича, Эрон БМТ санкциялари қайта тикланишидан олдин бу ускуналарни Хитойдан харид қилишга уринши мумкин.

Эроннинг асосий ракета объектлари Теҳрон яқинидаги Хожир, Парчин, шунингдек пойтахтдан тахминан 350 км шимоли-шарқда жойлашган Шаҳрудда жойлашган. Planet Labs PBC сунъий йўлдош суратларида ҳам Парчин, ҳам Шаҳруд объектларида қурилиш ишлари олиб борилаётгани кўрсатилган.