ҲАМАС узоқ танаффусдан сўнг Тел-Авивни яна нишонга олди
20 март куни ҲАМАСнинг қуролли қаноти – “Ал-Қассам” бригадалари Тел-Авивга ракета ҳужумини амалга оширганини маълум қилди.
Ушбу ҳужум сўнгги икки кун ичида Ғазо секторидаги 700 дан ортиқ фаластинлик тинч аҳоли вакилларининг шаҳид бўлишига сабаб бўлган исроилнинг ҳарбий операцияларига жавобан уюштирилгани айтилди.
Исроил армияси эса кўп ўтмай, бир ракетанинг йўқ қилинганини, яна икки ракетанинг очиқ ҳудудга қулаганини маълум қилди.
Бу ҲАМАСнинг сўнгги бир неча ойлик танаффусдан кейинги илк ҳужуми бўлиб, охирги марта январда Исроилга ракета ҳужуми уюштирилган эди. Ушбу воқеалар Ғазо секторидаги уруш давом этаётганининг яна бир далили сифатида баҳоланмоқда.
Аввалроқ, “РИА новости” нашри яманлик хусийлар исроилнинг Бен-Гурион аеропортига "Фаластин-2" гипертовушли баллистик ракетаси билан муваффақиятли ҳужум уюштирганини хабар қилган эди.
