Афғонистонда ярим йилда 292 киши миналардан жароҳатланди, уларнинг аксарияти – болалар
Январь-июнь ойларида Афғонистонда 292 нафар тинч аҳоли мина ва уруш давридаги ўқ-дорилар портлашидан жароҳат олди, улардан 256 нафари болалардир. Бу ҳақда БМТнинг Гуманитар масалаларни мувофиқлаштириш бошқармаси (OCHA) X саҳифасида хабар берди.
БМТ
маълумотларига кўра, барча портлашларнинг ярми болалар ўйнаётган пайтда содир
бўлган, яна 15 фоизи металлолом йиғиш вақтида рўй берган. Олти ой давомида 211
ўғил, 45 қиз, 29 эркак ва 7 аёл бахтсиз ҳодисалар қурбони бўлди.
Энг кўп ҳодисалар
Қандаҳор, Ҳирот, Ғазна, Кобул ва Нангарҳор вилоятларида қайд этилган.
Мамлакатнинг ушбу беш вилоятида 51 киши ҳалок бўлган ва 67 киши жароҳатланган.
43 йиллик
фуқаролар уруши давомида ўн минглаб афғон тинч аҳоли ўқ-дорилар портлаши
оқибатида ҳалок бўлди ёки жароҳатланди. OCHA ҳисоб-китобларига кўра, биргина
1989 йилдан бери 45 минг афғон ёки ҳар ой 110 киши миналар ва бошқа уруш
қолдиқлари қурбони бўлган.
Мавзуга алоқадор
-
Мьянма Афғонистонни ортда қолдириб, дунёдаги энг йирик афюн (қорадори) ишлаб чиқарувчисига айланди.
-
Афғонистондаги Толибон ҳаракати ва Америка Қўшма Штатлари бошчилигидаги НАТО кучлари ўртасида давом этган 20 йиллик урушдан сўнг Толибон кучлари пойтахт Қобулни назорат остига олди ва 2021 йил 15 августда АҚШнинг сўнгги қўшинлари Қобул аэропортини тарк этди. Бу воқеадан тахминан бир ой ўтгач, Толибон бутун мамлакатни ҳам ўз назоратига олиб, янги маъмурият тузиб, мамлакатни бошқариш учун муваққат ҳукумат ташкил қилди. Шундай қилиб, Толибон ҳаракати учун янги босқич бошланди. Яъни Толибон ишғолчиларга қарши курашадиган кичик гуруҳдан бутун бир давлатни бошқарадиган маъмуриятга айланиб қолди.
