Қозон шаҳрида БРИКСга аъзо мамлакатлар қорилари мусобақаси бошланди
Кеча Қозон шаҳрида БРИКСга аъзо давлатлар ўртасида Қуръони карим тиловати бўйича мусобақа бошланди, дея хабар бермоқда Islam News.
“Татаристон пойтахти Қозон шаҳрида илк бор йирик халқаро
диний мусобақа – БРИКС мамлакатлари Қуръони карим мукофоти бошланмоқда ва энг яхши қорига соврин
топширилади. Танловда БРИКС мамлакатлари ҳамда араб-мусулмон дунёси – МДҲ, Осиё ва Африканинг 20 давлатидан
энг яхши қорилар
иштирок этмоқда”, — дея муфтий Рушан Аббясов сўзларини келтиради “Российская
газета”.
Муқаддас Каломни
моҳирона тиловат қилган қори
мукофотланади. Қориларнинг тиловатларини Шаржадаги Қуръони карим академияси
раҳбари Халифа Месбаҳ ат-Тунейжий бошчилигидаги Россия, БАА, Миср, Бангладеш ва
Эрондан келган ҳакамлар ҳайъати баҳолайди.
Тадбирда Аллоҳнинг
каломи тиловат қилинишидан ташқари, меҳмонларга Қуръоннинг маънавий-ахлоқий қадриятлари ва маъноларини асраб-авайлаш
ҳақида ҳикоя қилувчи театрлаштирилган томоша намойиш этилади. Мусобақа 26 июль
куни якунланади.
Ғолиб 7000 АҚШ доллари миқдоридаги пул мукофотига эга
бўлади. Иккинчи ва учинчи ўрин эгалари мос равишда 5000 ва 3000 доллар олади.
Мавзуга алоқадор
-
Аргентина президенти Хавер Милей Бразилия, Россия, Ҳиндистон, Хитой ва ЖАРдан иборат БРИКС гуруҳи механизмидан чиққанини билдирди.
-
Россия, Хитой, Бразилия, Ҳиндистон, Жанубий Африка, Эфиопия, Миср, Эрон ва БААни ўз ичига олган БРИКС блоки ўзининг тўлов тизимини яратиб, октябрь ойида амалда жорий этишни режалаштирмоқда. Янги тўлов тизими БРИКС давлатлари раҳбарларининг бўлажак саммитида тақдим этилади – йиғилиш 22-24 октябрь кунлари Қозон шаҳрида бўлиб ўтиши кутилмоқда.
