Покистон Афғонистоннинг чегарадаги қишлоқларига ҳужуми уюштирди: 2 киши ҳалок бўлди
Иллюстратив фото
Афғонистон-Покистон чегарасида «Толибон» ҳаракати аъзолари ва покистонлик ҳарбийлар ўртасидаги тўқнашувлар натижасида икки киши ҳалок бўлди, бир киши яраланди. Бу ҳақда Etilaatroz газетаси манбасига таяниб хабар берди.
Нашр
маълумотларига кўра, Афғонистоннинг Торхам шаҳри чегарасида Покистондан отилган
миномёт снарядининг
турар-жой биносига тушиши натижасида икки нафар тинч аҳоли – она ва бола ҳалок бўлган.
Аввалроқ газета Толибон ва Покистон қуролли кучлари
ўртасидаги тўқнашувлар сабабли чегарадаги Торхам назорат-ўтказиш пункти
ёпилгани ҳақида хабар берган эди. Нашрнинг ёзишича, Покистон армияси Толибон
нишонларига ўт очган. Ҳужум
ортидан Афғонистон Ислом Амирлигига алоқадор армия кучлари Покистоннинг
чегарадаги постларини бомбардимон қилди, тўқнашувлар ҳамон давом этмоқда.
Толибон ва Покистон ҳукумати вакиллари воқеа юзасидан изоҳ
бергани йўқ.
Мавзуга алоқадор
-
Покистон ҳарбийлари Афғонистон ҳудудида “Ҳофиз Гул Баҳодур” гуруҳи жангариларига қарши аксилтеррор амалиётларини ўтказди. "Толибон" вакили рейдларда камида саккиз киши, жумладан, уч бола ҳалок бўлганини маълум қилди.
-
Покистоннинг Балужистон вилоятида бир гуруҳ сапёрлар жангарилар ҳужумига учради. Натижада икки ҳарбий ҳалок бўлди, тўрт нафари жароҳатланди. Йил бошидан буён мамлакатнинг иккита вилоятида 200 дан зиёр қўпорувчилик ҳаракати содир этилиб, 281 нафар тинч аҳоли вакиллари ва хавфсизлик ходимлари ҳалок бўлди. 48 та аксилтеррор амалиёти давомида эса 151 нафар жангари зарарсизлантирилди.
